L'ultima dumënia, ai 13 de jená, á albü la scuadra Pool Juniores da La Val l' ocajiun de jí a Coverciano (FI) a fá n torné de palé. La scuadra, alenada da Moling Davide y Giramita Giovanni, é metöda adöm da deplü sogadus dl' U.S. La Val, ACD Val Badia, ASC Mareo y USD Rina. Le bel grup á podü udëi l' infrastrotöra sportiva dla nazionala taliana y á podü se confronté cun de atres scuadres talianes. La scuadra ladina s'á batü cun onur y pó ester capaza de avëi arjunt le buniscimo secundo plazamënt. N gran dilan ti vá a dötes les sozietes, i alenadus y al acompagnadú Vito Miribung por la desponibilité!
1ª gara de Südtirolcup 2019
La sajun di liöstri é indo daverta, i atlec de lüsa alta s’á mosoré pro la prüma competiziun de chësc invern: la gara de Copa de Südtirol a Lungiarü, olache i bugn resultac ne é nia mancià.
Al mancia ma plö püc dis al scomenciamënt dla sajun di liöstri ! Do tröc alenamënc é i atlec ladins arjignà por les prümes competiziuns dl'ann nü.
Dlungia la Copa de Südtirol, i campionac taliagn y provinziai, é i campionac europeics ruvà a süa cuarta ediziun.
Cun gran plajëi se lasciun alsavëi che l'organisaziun de chësc evënt a livel internazional é gnüda asegnada al'U.S. La Val en colaboraziun cun le paîsc da Lungiarü! Le lunch fin dl'edema de gares gnará tignì dai 08 ai 10 de furà 2019!
Nadé 2018
L'Uniun dl sport da La Val aoda a düc en Bun Nadé y n Bun Ann Nü !
