L’Uniun Sport La Val à organisé la sabeda ai 28 de dezëmber 2013 n tornê al palê da Nadè por les scuadres joniles dl post U10, U11 y U13 (cun S.Martin) adöm a val’familiar. Al à metü man dales 9 dadoman y jü inant ćina les 7 da sëra.
La seziun dla lüsa da La Val organisëia y inviëia düć in sabeda ai 25.01.2014 dales 14:00 a tó pêrt al Sprint sön la pista dla lüsa "Plaiać" a La Val. In ocajiun de chësta manifestaziun gnaral festejé i 70 agn dl'atlet dla scuadra da La Val Robert Tavella.
Schi - Te chisc ultimi dui fins dl'edma à la picia atleta Valentina Tolpeit, che garejëia chësc ann por l'U.S. La Val, arjunt de bogn plazamënć, sides al Nightcup 2014 y sides ai campionać VSS.
In domënia ai 12.01.2014 él gnü tignì la pröma gara de SüdtirolCup sön la pista dla lüsa a Latzfons. Conesciüda é chësta pista sënzater por avëi fat da scenar l'ann passè por la pröma EM tla talia. Les temperatüres tlimatiches é chësc iade stades plö da d'isté co da d'invern, ruvan a + 8º C.
In sabeda ai 04 y domënia ai 05 de Jenà él gnü tignì les „Italienmeisterschaften“ sön la pista dla lüsa a Funes. Le tëmp ne é nia stè un di mius, trami dis él tomè la nëi, mo cun le bel laur de preparaziun dla pista é la gara impò gnüda tignida y garatada.
