Ai 25 de furá el gnü organisé dal Uniun dl Sport da San Martin e dal Uniun dl Sport Amatoriala da La Val le secundo Torneo de calcio U10 dla Val Badia tla palestra da La Val. Indüt el 7 scuadres che a tut pert al torneo, de chëstes nun ele trëi da San Martin, dös da La Val e dös de Mareo.
Dai 10 ai 12 de Furá él gnü fat les „Europameisterschaften” dla lüsa tla Germania, por le nono iade. Por le prüm iade él ince stè atleć dla Slowenia che á tut pert. Insciö röia la competiziun a 5 paîsc diversc te Europa.
Gran Finala por l’U.S. La Val: Diego Tschaffert y la scuadra da La Val porta a ćiasa la devënta completa dl Südtirol Cup 2012.
Cun temperatüres frëides cina -23 gradi él gnü stlüt jö l’ultima domënia a Lungiarü le Südtirol Cup 2012. Pro i ëi y pro i “Doppelsitzer” era jüda sciöche an se aspetâ, mo pro les ëres él stè en per de sorpreses.
A La Val dala Zona dl Sport Plans vëgnel indô organisé dai "Mad Climbers" por le secundo iad la festa dla dlacia. Te chësta ocajiun pon porvè da arpizé sö por la dlacia o ma ince ciarè pró. Por chiche á interesc o uress se informè él i mëmbri di "Mad Climbers" a disposiziun. La festa vëgn fata ai 11 de Furá dales 19:00 inant.
Düć é dër bel inviá.
2. Gara de Südtirol Cup a Lüsen
Por le prüm iade mëss Diego Tschaffert lascè le prüm post, Helmut Stocker (ASV Pfeffersberg) é stè bun da bater Diego cun le miú temp dl dè 01:08:30. An á bel avisa cunesciü che la pista da Lüsen é fata por Helmut, deache al á davagné plü gonot dailó. La pista pretënd dai atleć na gran sensibilité suradüt tles otes. Chësta cualité dominëia Helmut Stocker sciöche degun ater!