Nia da nen fa cuntra l‘aversar da Uttenheim, che segnëia tla secunda pert dla partida y fej insciö sü i prüms trëi punc te campionat. Le La Val se stënta indere sön le ciamp fora de ciasa y röia a boc nia te partida cun le ce.
Pur preparé nosc sistem imunitar al altonn/invern che vëgn, vëgnel tigni en curs de Yoga te palestra a La Val. Ai 13.09.20 dales 19.00 él la prüma incuntada, por le tëmp de 60 menüc.
Te 6 sentades podaraste imparé da cunësce te instëss y te ciafaras le tëmp da te ciarié sö. En tratan che le corp se dejintussiëia ciafa ince la mënt lerch da se relasé.
Pur i tesserá U.S La Val sará le cost de 80€ y pur NIA tesserá de 90€.
Pur iscriziuns y informaziuns YOGAMIGA +39 377 3499869
Concurs dessëgns 50 agn U.S. La Val
In ocajiun di 50 agn dl’Uniun dl sport da La Val , metunse a jí n concurs da dessigné por i mituns dla scora elementara y mesana.
Le tema dl concurs é: Ci o pa dí o ci é pa por te le sport?
Al nes fajess dër plajëi sce tröc mituns fajess para. La premiaziun gnará fata tratan la festa di 50 agn dl’Uniun dl Sport, che gnará tignida da d'altonn.
Scora de palé a La Val 2021/22
Le U.S. La Val in colaboraziun cun l’alenadú Davide Moling mët indo a jí na scora dl palé, cun le fin de fa conësce ai mituns y mitans interescià le monn dl palé y insigné les basi fondamentales de chësc bel jüch de scuadra.
Les sesciuns de alenamënt metará man de setëmber cina dezëmber söl ciamp dal sport y te palestra a La Val. Ala scora dl palé pudarà tó pert mituns y mitans dai 5 ai 8 agn.
Dessigü é chësta na ocajiun por podëi imparé valch de nü y pudëi insciö crësce adüm te n grup.
L'Uniun Sport La Val, en colaboraziun cun le F.C. Südtirol, à organisé ince chësc isté, plö avisa dai 12 ai 16 de messé, la cuarta ediziun dl’ „Alperia Junior camp“.
