N sport nü
Te chisc ultims agn án metü man de pratiché te nüsc paîsc le sport dl broomball. Chësc sport ti sumiëia n pü' al hockey y vëgn ince pratiché söla dlacia mo zënza jadins. I sogadus dles döes scuadres á vignun na granara o na maza de plastich a forma de granara, y mëss porvè da trá na cogora de gume tla porta dla scuadra aversara. Sciöche portes vëgnel tut chëres da hockey y al vëgn soghé cun 6 sogadus por scuadra. La cogora pò gní azicada cun vigni pert dl corp, mo la trá pon mâ cun la maza. Por stè plü saurí impé söla dlacia vëgnel fat cialzá aposta da soghé a broomball. Sciöche alternativa pon ince mëte sot i cialzá na sora de "gommapiuma".
La scuadra da La Val á tut pert al campionat
Al vëgn organisé vigni invern n campionat de broomball nanter scuadres dla Val Badia y pustres. Al campionat 1995/96 él ince stè la scuadra da La Val che á tut pert por le prüm iade y s’á batü dër bun cuntra les atres scuadres bele plü espertes. Ala fin á la scuadra coordinada da Vito Miribung arjunt le secund post te chësc campionat.
N valgügn sogadus dla scuadra da La Val che á tut pert al campionat de broomball 1995/96.