US LA VAL
 
 
     
 

7ª partida de campionat rit. - Raas

Stampa PDF

La_Val_Rina

I trëi punc lasciá tl derby ladin cuntra le Rina é gnüs recuperá le fin dl’edema cuntra le Raas.




 


 

Le mercui da denant éle gnü soghé le derby ladin a San Martin de Tor, do che chësc, preodü amez aurí, á messé gní sposté a gauja dla nëi tomada. En derby emozionant cina la fin, daulache i ghesc da La Val é jüs in vantaje tla prüma pert mo baldi á msé ti de para i trëi punc al Rina, che á rosedé le resultat tl secundo tëmp.

Le fin dl’edema á la formaziun de Costabiei indere mostré na reaziun ala pordüda, davagnan cuntra i aversars da Raas. Sughé éle gnü tl biotop da Raas, cun temperatüres cialdines da d’isté. I ghesc sblochëia bel le resultat ti prüms menüc, daulache Luca B. sciampa da na pert jö y crossëia bass amez por Mattia M. a ruvé a dërt post, chësc á insciö ma plö bria de apogé le palé te rëi aversara. Le jüch é tles mans di ladins, che röia plö iadi dan porta, sënza indere concretisé y porté a piz les aziuns costruides. Ince le Raas se fej inant y röia a rebat de ce de püch sura porta fora na gran trata dal ciantun. Al 39^ röia en palé alt amez area ladina, la defenjiun ne se capësc nia y l’atacant dl Raas anuzëia le momënt por tó le curan y le rebat sëch te porta. Dan le sciür dl pröm tëmp vëgn ciamó sorví Luca B. al limit dl’area: süa trata de potënza vëgn indere delota te ciantun dal verdaporta.

Le secundo tëmp pëia ia plö da sbunf y la prüma ocajiun é Stefan che á: la trata röia dal ciantun, lungia sön le stach dl sogadú, le gol é prësc sigü, mo la direziun dla rebatüda fala. Le curan röia de n pulan dlungia porta ia. Püch do al 60^ é la combinaziun anter Alex E. y Felix asvelta por rové dan porta, naota pro Felix la trata, indere massa debla, spo röia ciamó Alex sön la rebatüda, mo le palé ne vëgn nia controlé bun y vëgn splundré demez. Al 70^ gareta spo le vantaje, Stefan röia jö dal piz de area y passa amez a Mattia sú dan le portier, chësc á temp por tó jö les mesüres y tra bel dlungia le pé de porta ite. Ciamó pro inant le La Val a fa presciun, che ti porta ince le terzo gol. Chësc iade él Alex E. che se porta da na pert ite y passa amez por Martin P, che röia sciöche na ferata adalerch y splundra le curan sigü te porta. Por Martin é chësc le prüm gol cun la maliëta dl La Val, por chesc é la cuntentëza süa y de sü compagns dopla. L’arbiter ne lascia nia plö tröp tëmp al Raas de porvé a remunté le resulta y sciüra insciö tosc la fin dla partida.

Raas – La Val 1-3


Formaziun La Val: 1. Sepl Kantioler, 2. Natan Colletta (dal 57^ Thomas Ploner), 3.Alex Ploner, 4. Max Nagler, 5. Paolo Vallazza, 6. Christian Terza, 7. Luca Bernardi (dal 60^ Martin Ploner), 8. Stefan Sottara – capitan, 9. Felix Nagler, 10. Philip Moling (dal 50^ Alex Elzenbaumer), 11. Mattia Mutschlechner

Goi por La Val: Mattia Mutschlechner 4^, 70^, Martin Ploner 87^

Proscima partida: La Val süga in domënia dales 16:00 te ciasa cuntra le Percha


Atri resultac de chësc fin dl'edema:

Altherren: La Val – Schabs 1-0

U-15: Val Badia - Eggental 1-4

U-13: La Val – Natz/Schabs 0-5

U-11: La Val – Gsies 1-3

U-9: La Val – Perca 2-1

I sogadús da La Val mostra na bela prestaziun cuntra i prüms de tlassifica. La fortüna ne é indere nia dala pert di ladins, che ti da para i trëi punc dla devënta.

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©