US LA VAL
 
 
     
 

7ª partida de campionat rit. - Sterzing

Stampa PDF

La_Val_Rina

Le La Val se stënta bel da plö partides da segné, insciö ince l’ultim fin dl edema cuntra le Sterzing, daulache ai á mostré na buna prestaziun de jüch mo ne concretisëia nia les ocajiuns dan porta aversara.





Ince sce la partida mët man bun por le Sterzing, che costruësc da atira aziuns prigoroses tl ciamp ladin, concuisteia tosc i padruns de ciasa le palé y süga fora i aversars cina ruvé plö Iadi dan area.  Tröc é i palés concuistá a mezciamp, che ne vëgn indere nia gestís a dovëi. Michele C. Röia plö iadi da na pert jö y mët le palé amez por i compagns atacanc che controlëia mal le curan y ne röia nia ala trata. Ala mesora perd le La Val le palé a mezciamp, le numer nü aversar se fej inant cuntra l’area ala trata, le portier Giovanni mëss se destrá por deloj te ciantun. Püch dan la fin dl pröm tëmp pro ciamó Stefan na trata dal limit che vëgn desfantada te ciantun dal un dl Sterzing.

Tla secunda pert müda la formaziun dl Sterzing y injuntan en atacant in plö. Chësc porta ince sü früc, cun le La Val che Vëgn durché zeruch te só mezciamp y se stënta da fa alzé i sogadús. Te chësc momënt de deblëza é ince le mandl Fosch protagonist. Al conzed en fal de man dër tl dübe te area ladina: sot a les protestes trasformëia le sogadú Brunner la mascima puniziun. La partida se scialda y le nervosism regnëia. Al 80^ sciüra l’arbiter indo falé, Stefan se scialda demassa y vëgn naota amoní y spo desgord dal ciamp de jüch. Por avalié partësc fora l’arbiter na cherta cöcena ince ai aversars, por en contrast sön le portier da La Val.

I padruns de ciasa mëss se daurí y rischié val deplö mo se ciafa tosc le gol dl 2-0 sön na repartënza aversara, che ti taia les giames ai ladins.

Insciö se röia la partida cun na pordüda antia, gaujada da plö evënc, de chisc valgünes ince influenzá dal arbiter. Sön le program él ciamó döes partides, pro chëres che La Val ó se refá segnan ince indo val gol.


La Val – Sterzing  0-2

Formaziun La Val:

1. Giovanni Erlacher, 2. Paolo Vallazza, 3. Kevin Kastlunger, 4. Alex Miribung, 5. Michele Campei, 6. Max Nagler, 7. Alex Rubatscher, 8. Stefan Sottara - capitan, 9. Felix Nagler, 10. Franz Tolpeit, 11. Mattia Mutschlechner

Alenadus: Patrick Costabiei y Albert Castlunger

Proscima partida: In duman sabeda dales 16:00 a Perca cuntra la scuadra de ciasa

Atri resultac:

Scuadra di omi: La Val - Vahrn.  5-2

Giovanissimi: Mareo - Klausen  0-4

U-12  Ahrntal - La Val. 8-0

 

Sponsoren

logo_M2_Srl raiffeisen miribung seve decor auto_vallazza Frenes_Patrick Plana_Ladina

Login



      Uniun Sport Amatoriala La Val, San Senese 1, I-39030 La Val
      info@uslaval.it - C.F. 81009280215 - ©