1ª partida de campionat - Uttenheim

Ince la scuadra da La Val é piada ia tla nöia sajun dl palé tl rode C de terza categoria. Chësc ann vëgn la formaziun, metüda adüm da sogadús scialdi dl paîsc, alenada da Klaus Gräber da San Laurënz. Le nü alenadú pó mostré sö esperiënza pro scuadres de categories plö altes de puster y á bel da atira mostré só savëi sön le ciamp y tl grup.

Tla prüma partida incunta la formaziun de Gräber i aversars da Uttenheim fora de ciasa. Na scuadra sterscia che ti á de da scampí ai ladins bele l’ann denant. Ince sce i padruns de ciasa á albü la partida por la maiú pert tles mans, é i ghesc che á costruí ocajiuns da gol, olache al á indere mancé la fan de segné.

La partida mët man cun le Uttenheim al comane, ai se fej inant y costruësc le jüch sön le sterch Schwärzer che süga dl’atach. Chësc tira al 9^ sëch cuntra la stangia de porta y sblochëia spo al 31^ le resultat cun na bela aziun. Dui menüc dedo sciampa le medemo sogadú te area ladina ala defenjiun y vëgn contrasté al’ ultim: le mandl fosch mostra atira sön le punt di önesc metri. L’atacant se presentëia ala trata y segnëia le secundo gol. I ghesc se mostra tres deplö y fej tromoré dui iadi la porta aversara cun döes trates sëces dai vint metri, le curan rebat indere sëch cuntra la stangia de porta. Ince Alex M. röia plö iadi sú cuntra le portier mo vëgn contrasté al’ultim ciamó dai defensurs. I padruns de ciasa castighëia ciamó püch dan la fin dl pröm tëmp cun na puniziun dal ciantun de area. Les formaziun va tla palsa sön le result de 3 a 0 sot a en soredl lorent.

Al 48^ arlungëia Franz a Alex M. che chira le trú cuntra porta y pro le palonët al portier che ti va indere de püch dlungia porta ia. Tl bun momënt por La Val é le Uttenheim che segnëia de ce sön na trata dal ciantun le cuarto gol. Impó pro La Val de ruvé a segné: Al 68^ ti sciampa ciamó n iad Alex M. ala defenjiun y tira bass cuntra porta, ince in chësc iade él le pé de porta che ti dij de no: le palé rebatü röia a Franz che pro ciamó en iade mo tira dlungia ia. Le gol dl La Val röia spo püch dan la fin dla partida cun na bela aziun y assist de Michele C. da na pert ite por Philip M. che se presentëia sú y apogëia te porta por le 4 a 1.

Uttenheim – La Val  4-1

Formaziun La Val: 1. Giovanni Erlacher, 2. Natan Colletta, 3. Martin Menazzi Marcelo, 4. Paolo Vallazza, 5. Simon Campei, 6. Christian Terza, 7. Felix Nagler, 8. Stefan Sottara - capitan, 9. Franz Tolpeit, 10. Campei Michele, 11. Alex Miribung

Alenadù: Klaus Gräber

Proscima partida: La Val süga duman sabeda te ciasa dales 15:30 le derby cuntra le Acd Val Badia

Test foto: Alex Miribung á manacé plö iadi de abiné le gol por le La Val

Atri resultac:

Altherren (La Val) = La Val - Welsberg  2-1

U-15 (La Val - Mareo) = Milland – La Val  3-1

Giovanissimi (Mareo/La Val) = Vahrn - mareo  10-1

U-12 (La Val) = La Val – Team 4 Welsberg  4-3

U-11 (La Val) = La Val - Falzes  3-1