1° partida Copa Provinzia
In sabda ai 21 de Agost él gnü sughé la prüma partida de Copa Provinzia cuntra le Lüsen, fora de ćiasa. La partida è jüda fora 1 a 1. La proscima sabda ai 28 de Agost süga La Val cuntra la terza tl “triangolare” le Percha, te ćiasa. Da mët man la partida è La Val che süga damí co le Lüsen. I atacanć da La Val Florian e Stefan rüva deplü iadi dan le portier, mo la pala ne röia nia te porta.
Ince sön na bela puniziun de Frenes Michael è le portier da Lüsen bun da devié la pala fora de porta. Do che La Val á lascé fora deplü ocajiuns da se porté in vantaje, è le Lüsen che fesc le prüm goal sön “contropiede”. Le prüm tëmp se stlüsc jö sön le 1 a 0 por le Lüsen. Tl secundo tëmp sot an gran ćialt, sofrësc la scuadra da La Val la presciun di aversars. Le portier Sando Sani è bun da evité deplü iadi cun de beles uscites le 2 a 0 por le Lüsen. Al 30° él spo La Val che arjunj la parejada. Denis Kaneider vëgn sciuré jö te area y le arbiter da le önescmetri. Frenes Michael se tol la responsabilité y fesc goal. La partida se stlüsc jö sön le 1 a 1.
La formaziun titolara dla partida:
In cürt ćiamó les sostituziuns dla partida:
Sottara Freddy por Ploner Werner
Tolpeit Daniel por Sottara Werner
Elzenbaumer Alex por Rubatscher Romeo
Kaneider Dennis por Frenes Michael
Tavella Thomas por Valentin Elmar
Por ćiaré ales foto dla partida y dla festa dedô clicca. FOTO
