La Val davagna 2 derby te 3 dis

In mercui ai 30 de Merz él gnü sughé le secundo derby da Rit dô fila. Chësta partida valô sciöche prüma partida de Copa Provinzia, tl girone ulache al é Mareo y Barcellona.. La partida é gnüda sugada chësc iade in ćiasa. Ince sce La Val ne á nia sughé le calcio che ai sá da sughé, éssi stá bugn da davagné 2 a 1.

Cun chësta bela vitoria ciafa La Val 3 punć, en bun scomenciamënt por ruvé te semifinala. Chiche davagna spo la Copa Provinzia pó fá en triangolare cun les mius secundes scuadres di campionać de 3. categoria.

La partida á metü man atira cun en gran druch da pert dl Mareo, mo la buna difesa da La Val ne á nia lascé ruvé pormez a porta. Dô da na mesora che le Mareo á purvé da fa le gol, sënza arjunje gran ocajiuns é La Val cun en bel contropiede bugn da fá le 1 a 0. En bel lancio porta Daniel Frenes da sú cuntra le portier, cun en bel tiro bas sön le secundo palo él bun da porté spo La Val in vantaje. Püch dedô él Elzenbaumer Alex che sfrutëia na indecijiun dl difensur y é bun da fá le 2 a 0. Le prüm tëmp se stlüsc jö sön le 2 a 0.

Tl secundo tëmp é Mareo che drüca ciamó deplü, purvan cun pales altes di defensurs ai atacanć. Mo gran ocajiun da fá gol ne ési nia bugn da trá fora ater en co en palo. Le portier Sani Sandro da La Val fesc na bela parada sön en bel tiro de chi d' Al Plan. L 'unico pice fal che la difesa da La Val fesc, se ciafa La Val indô en rigore decuntra, sciöche al é suzedü gonot tl campionat in chësc ann. Le capitano da Al Plan é bun insciö da acorcé sön le 2 a 1. Ala fin dla partida é ciamó Daniel Frenes che á la poscibilité da stlü la partida, mo le bel palonetto che al pro da fá é massa cürt, le portier dl Mareo é bun da paré.

La partida se stlüsc jö sön le 2 a 1 por La Val.

La formaziun titolara dla partida:

In cürt ciamó les sostituziuns dla partida:

Al 70° Nagler Max por Elzenbaumer Alex

Al 75° Castlunger Marco por Sottara Werner