Diego Tschaffert (U.S. La Val) é campiun d’Europa
Dai 10 ai 12 de Furá él gnü fat les „Europameisterschaften” dla lüsa tla Germania, por le nono iade. Por le prüm iade él ince stè atleć dla Slowenia che á tut pert. Insciö röia la competiziun a 5 paîsc diversc te Europa.
Pro i ëi á indô inom le duél Andreas Ehammer da Zillertal cuntra Südtirol. In chësc ann él stè spo Diego Tschaffert (U.S. La Val) che á portè a ćiasa le miú tëmp. Insciö al indô mostrè süa gran forma. Ince sce les condiziuns dla pista é stades ries y Diego â ćiamò en numer alt, él stè bun da portè al travêrt döes proes perfetes che ne ti á dè degüna poscibilité ai aversarsc. Bele la sabda al á metü sö en nü record dla pista cun 01:12:92. Mo chësc record á ma tigní 12 ores, la dumënia él stè bun da portè le record a 01:12:90. Degun ater atlet é stè bun da ruvè sot al 01:13:00. Andreas Ehammer che è ruvè secundo á albü en distach sura a 1 en secund. Forer Armin é ruvé al bun 5. post.
Pro i Senioren II á Miribung Carlo mancé depüch le podest, ruvan insciö al 4. post.
Pro les ëres él indô stè Reinhilde Gamper da Latzfons che á dominé. Por le 4. iade era insciö campiuna d’Europa, cun döes proes perfetes. Pro les Junioren II é ruvada Iris Erlacher al bun 3. post.
Alton Tone y Erlacher Daniela é tumá fora pro üna dles döes „manche“.
Pro les tlassifiches a scuadra é jü le titul por le 6. iade ala Talia (Südtirol). Les proscimes “Europameisterschaften” tl 2013 sará te Südtirol sön la pista da Latzfons.
Por udëi la tlassifica "Einzelsitzer" drüca: Tlassifica_Einzelsitzer_Europameisterschaft.pdf
Por udëi la tlassifica "Dopelsitzer" drüca: Tlassifica_Dopelsitzer_Europameisterschaft.pdf
