Ultima part. ritorno 2012 por La Val
In dumënia ai 3 de Jügn él gnü sughé l' ultima partida dl ritorno dl campionat 2011/2012 de 3° categoria por La Val. La partida é gnüda sugada te ćiasa cuntra la scuadra da Aicha (che á sciuré fora La Val te semifinala dla Copa Provinzia).
Ince sce le campionat ne é nia jü sciöche La Val ess urü, á la scuadra stlüt jö le ritorno cun 3 beles vitories dô fila, tles ultimes trëi partides. Ince inier á La Val sughé na buna partida, baton Aicha por 3 a 1.
Bel da mëter man dla partida é La Val prigorusc, cun de beles aziuns. Insciö vëgnel ince dô da püć menüć le gol de Micky, che porta La Val in vantaje. Stefan Sottara fesc en bel passaggio al volo ite a mesa l'area, ulache Florian y Micky é bugn posiziona. Le defensur é jü a marché Florian, lascian insciö sú Micky. Cun en bel tiro de piatto el bun da bater le portier, la pala röia bel avisa sot le portier fora.
A mesa le prüm tëmp é spo Florian che scfiorëia le 2 a 0. Cun en bel tiro bas, atochel le palo. Ince Daniel Frenes és prësc fat en eurogol indô. Al röia sön le fondo, cun en bel tiro al volo de esterno él bun da impegné le portier. Che cun na gran parada el bun da oje fora en pal che foss ruvé tl incrocio lunch. I aversarsc ne é cuaji mai prigorusc. Mo sön üna dles püces aziuns che ai á fat esi bugn da fa gol. Ai fesc giré debota la pala fora dl area di sogadusc da La Val, zënza che ai é bugn da interceté. Insciö se deurel en büsc tla difesa ulache le atacant é bun da se inserí. Al se porta jö sön le fondo y crosëia ite a mez. Elmar ne röia de püch nia sön la pala y le atacant cun na scivolata é bun da mëter le pal te porta. Insciö se stlüsc jö le prüm tëmp sön le 1 a 1.
Tl secundo tëmp é indô La Val che á la partida sot a control Insciö esi bugn da se porté in vantaje sön le 2 a 1. Micky ciafa en bel cros sön le palo lunch, spo el bun da stopen la pala y trá te porta, mo bel avisa el en defensur sön la riga che é bun da tra fora la pala. Spo röiel adalerch Franzi che é bun da trá te porta fajon insciö le 2 a 1. Püch dedô él spo Alex Elz. che es prësc fat in beliscimo gol. Sön en bel cross de Micky röia Alex sön le pal, cun en bel tuffo el bun da oje ite la pala te porta sön le palo lunch. Mo le portier fesc en mez miracolo y é bun da salvé süa porta.
Ince Alex Alton fesc dedô en gran tiro de potënza, püch fora dl area. La pala se porta bel avisa tl incrocio, mo ince chësc iade è le portier bun da paré cun en gran riflesso. Mo ala fin dl secundo tëmp e spo Daniel Frenes che stlüsc jö la partida. Al ciafa en bel passaggio filtrante da Florian, cun en bel tiro de ciamp sön le palo lunch portel La Val sön le 3 a 1.
La partida se stlüsc jö insciö sön le 3 a 1 por La Val.
Cun chësta bela vitoria stlüsc jö La Val le campionata 2011/2012 al 5. post.
La formaziun titolara: Kantioler Sepl, Valentin Elmar, Alton Alex, Tavella Jordan, Castlunger Marco, Frenes Micky, Sottara Stefan, Verginer Franzi, Frenes Daniel, Rubatscher Florian y Elzenbaumer Alex.
Sostituziuns:
Tschaffert Ivan por Sottara Stefan
Tavella Thomas por Castlunger Marco
Frenes Egon por Verginer Franzi
Sottara Werner por Rubatscher Florian
Por udëi i atri resultać drüca (ince di atri campionać ulache sogadusc da La Val süga para) drüca: resultać
