La sajun 2012/2013 é daverta

I defensursc di titui dl ultim invern á indô metü les prümes peres ince pro la prüma gara dl “Südtirolcup 2013”.

La prüma gara dl “Südtirolcup 2013” è gnüda fata sön la pista Ranuier Bahn a Sankt Magdalena in Villnöss. Pro les ëres él indô stè na facenda tlera por la defensuria dl titul dal ann passè Reinhilde Gamper. Ara á indô davagné dan Katarina Pfeifer da Deutschnofen y Marion Robatscher da Tiers. La campionësa á bel davagné tan de gares che sön na domanda den giornalist “tan de gares che ara á davagné” ara respognü che ara ne savô nia, mo üna deplü lapro é zigü val de bel.

Mo pro les jones “junioren” á indô davagné le futuro talent Erlacher Iris, che vá por la scuadra da La Val y á insciö mostrè indô da ester in forma por la nöia sajun.

Pro i ëi él indô stè le atlet (campiun europeo in carica) Diego Tschaffert che á metü al sigü le prüm post. En buniscimo resultat cun podio 3° post á ince fat Forer Armin.

Pro i amateure á portè a ćiasa en bun 5° post Miribung Carlo.

I dui atleć Tone y Robert è ruvá 8° y 9° pro i amateure II.

I bugn resultać di singoli á insciö contribuí al bun 2° post dla scudra da La Val pro la tlassifica a scuadres, dô la scudra da Latzfons.