2ª partida de campionat

Do avëi purdü 2 a 1 fora de ćiasa cuntra le Sexten é la scuadra da La Val buna da trionfè sön le ćiamp dl sport a La Val. La scuadra dl Percha à msü sun jì a mans ötes incassan bun 5 goi dala scuadra de ćiasa.

Tl prüm tëmp à La Val porvè da sughé cun en ater modulo 4-2-3-1. Cun i dui centrocampisć Freddy y Stefan che à sughé dan la difesa y spo les fasces cun Micky y Alex che drucâ sö deplü a sostëgn dl atacant sú Alexander. Mo bel ti prüms menüć an udü che La Val se stentâ en püch da sughé bun la pala y da restè compać. Deplü iadi é ruvada la scuadra dl Percha dan porta a trà, pur fortüna dlungia ia o ados al portier da La Val. Insciö él l'alenadù che à cambié modulo de jüch, passan a n 4-4-2.

A mez le prüm temp él Micky che sblocchëia la partida. Sön n bel lancio de Marco éle Micky che abina le pal de cé y bat insciö le portier dl Percha. La scuadra aversara ò a düc i cosc arjunj le pareggio dan ji a palsè y é buna de trà fora 2 puniziuns prigoroses al limite dl'area. Trami 2 iadi él le mür che é bun da devié le tiro che é spo ruvé sura porta fora.

Dan che le arbiter sciuress le prüm temp éle ciamò Freddy che é bun da trà fora n rigore. Sön na rimessa él bun da jì ite te area cun le pal mo vëgn blocchè y sciuré ia pur tera dal aversar. Emanuel Dorigo ne sbaglia nia le tiro dai önesc metri y porta insciö la scuadra da La Val sön l 2 a 0.

Le secundo tëmp mët man dër bun pur La Val, bele do da püc menüc éle Dorigo che anticipëia le portier sön cross de Romeo y é bun insciö da apogè le pal te porta. I atacanc da La Val é bugn da se tignì sö le pal y insciö éle ince la difesa da La Val che pò se alzè y pò trà le flè. Al ne passa nia tröp tëmp che Dorigo é bun da segnè la prüma „tripletta“ pro süa nöia scuadra, al é bun de dribbeln 2 defensurs y da jì dassù cuntra porta daulache al tira n bel tiro dlungia la stangia de porta it. Sëgn él i sogadusc da La Val che à la partida tles mans y po insciö sughé plü calmi.

Ince tl secundo tëmp é la scuadra da Percha buna de tra sön porta, un de chisc tiri él le portier Sepl che é bun da devié cun l'estremité di dëic sön la stangia de porta.La scuadra de Floriani fej ciamò gran druch ca dant y é insciö buna de stlü jö definitivamënter la partida cun n bel gol. Romeo pëia da na pert jö y mët ite a mez n tiro/cross che ti röia bel avisa sura le portier ite. Le Percha combat inant y püch dan la fin é la scuadra buna de fà le gol dla bandira. N sogadù aversar se tira ite tl'area y ti tira ados le pal a n defensur da La Val, le arbiter sciüra atira le rigore pur fallo de mano. Le rigore vëgn trasformè cun n bel tiro.

La partida se stlüj jö sön le 5 a 1 por La Val. Cun chisc punć davagná se porta La Val al 6° post te tlassamënt.

Proscima partida in mercui ai 11.09.2013 dales 20.00 a Aicha pur le ritorno dl prüm turno de copa provinzia. La proscima partida de campionat é in sabeda ai 14.09.2013 dales 16.00 a Niederdorf.

Formaziun titolara: Sepl Kantioler, Werner Sottara, Paolo Vallazza, Alex Alton, Marco Castlunger, Freddy Sottara, Stefan Sottara, Alex Elzenbaumer, Emanuel Dorigo, Micky Frenes, Alexander Miribung

Sostituziuns:

Alexander Miribung por Romeo Rubatscher

Marco Castlunger por Egon Frenes

Werner Sottara por Elmar Valentin

Stefan Sottara por David Moling

Alex Elzenbaumer por Manuel Stampfer

Alenadù: Floriani Claudio

Por udëi i resultać dles atres scuadres drüca: resultać