Pröma gara de "Südtirolcup" a Latzfons
In domënia ai 12.01.2014 él gnü tignì la pröma gara de SüdtirolCup sön la pista dla lüsa a Latzfons. Conesciüda é chësta pista sënzater por avëi fat da scenar l'ann passè por la pröma EM tla talia. Les temperatüres tlimatiches é chësc iade stades plö da d'isté co da d'invern, ruvan a + 8º C.
Indô n iade é i atleć da La Val che arjunj de bogn resultać y un o l'ater à ince podü pié do na medaia.
La campionëssa taliana Daniela Erlacher dla scuadra da La Val che à trionfè a Funes l'ultimo fin dl'edma fej indô in chësc iade podio cun n bun terzo plazamënt.
Por la tlassfica de scuadra röia in chësc iade la scuadra da La Val al 3º post.
Chilò pon ciafè düc i resultać dla pröma gara de "Südtirolcup": RESULTAC
In domënia ai 19.01.2014 gnaral tignì n alenamënt in preparaziun ala Copa dl monn che gnarà tignida ala fin de Jenà sön la pista „Panorama“ a Olang. Dô i bugn resultać dla „Italienmeisterschaft“ a Funes y dla gara a Latzfons é ince i atleć dla scuadra da La Val che s'à qualifiché, insciö esi convocà sides al alenamënt che ala gara de copa dl monn.
Deache al é ma püc posć lëdi al start sarà Miribung Carlo y Erlacher Iris in competiziun por le 4º post te süa categoria, Diego y Daniela é por i resultać dles ultimes gares bel qualificà.
In injunta le PDF daulache an pò udëi i atleć che pò partizipé ai alenamënć: Training Olang
Por deplö informaziuns, por ci che reverda resultać, novitês y l program dla lüsa pon vijité la plata internet sot a chësc linch: http://www.suedtirolcup.com
 |
 |
 |
|
|
 |
 |
 |
 |
|
|
 |
 |
 |
|
Foto: https://www.dropbox.com/sh/tca877kgfoe353b/fB3VDlqYPA/1%20SC.%20Latsfons%202014#/
