Landesmeisterschaften a Deutschnofen
Le fin dl'edma ai 08 y 09 de furà éle gnü tignì les Landesmeisterschaften de lüsa alta sön la pista „Pfösl Riep“ a Deutschnofen. Les gares dla lüsa in cina a sëgn é stades caraterisades dal burt tëmp y da temperatöres tlimatiches nia massa bunes.
Ince sce la nëi é te chësc fin dl'edma indô gnüda adalerch, à i organisadûs dla gara preparè na pista de bunes condiziuns. Bun 147 atleć de 20 uniuns à tut pêrt al evënt.
L'atleta Rheinhilde Gamper, che à davagné les Landesmeisterschaften da in l'ann passè ne à in chësc ann nia partezipé ala gara, insciö é le post stè lëde por na nöia campionëssa. In chësc ann éle stè Katharina Pfeifer da Deutschnofen che é rovada al pröm post cun 1,35 scunt dan la Daniela dl U.S La Val, che cun le tëmp de 2'13.25 é ruvada secunda.
Pro i ëi éle stè Roman Kaser le protagonist, che é jü al start por defëne le titul da in l'ann passè. Tla pröma manche le tëmp de Kaser é stè anfat a chël de Tschaffert Diego.
Tla secunda manche à le jonn Kaser garejè n'ora plö adora co Diego. Chësc ti à portè n pice vantaje, te chësta ora él tomè n grüm de nëi y les condiziuns dla pista ne ti à nia purtè bun a Diego, impò éle stè bun de arjunje 
2 plazamënt cun le medemo tëmp de Lambacher (2'07.72)
La scuadra dl' U.S. La Val davagna ince tla tlassifica generala por soma de tëmps.
Chilò dessot pon ciafè düc i atri resultać:
Landesmeisterschaft Vereinswertung
Landesmeisterschaft Kategorien
Landesmeisterschaft Jugendvereinswertung
Landesmeisterschaft Doppelsitzer
