Consëi nü 2014 - 2016
Ai 21 de merz 2014 tratan la Reuniun generala él stè la protlamaziun dles lites dl comité, che arà le compit de aministré l'uniun por i proscimi 3 agn.
Le comité nü, sciöche i agn passà, é metü adüm indüt da 12 mëmbri. Te chisc fejel pêrt i 8 plö lità, che à spo la poscibilité de tó sö ciamò 2 mëmbri, laprò él ince ciamò un n mëmber dla Seziun dla Lüsa y un di Madclimbers che vëgn lité dales respetives uniuns. Sepl Comploi y Thomas Deiaco, che à fat pêrt de chësta Uniun por tröć agn, ne é nia plö stà ite, a chisc ti va n gran giulan da pêrt de düta l'Uniun por le gran laûr y le impëgn desmostrè. I dui mëmbri é gnüs sostituîs cun Paolo Vallazza y Max Nagler, dui jogn che purtarà dessigü de vigni sôrt de nöies idês.
Sciöche presidënt dla Uniun él indô gnü confermè cun la gran maioranza dles ûsc Alex Alton, che à surantut l'inciaria cun gran plajëi. Sciöche vize presidënt é gnü votè Klaus Rubatscher. I atri mëmbri dl comité d’aministraziun é Micky Frenes (responsabl jüch dl palè y zona sportiva), Max Nagler (contabilité y statistiches), Egon Frenes (aiutant zona dl sport), Fabian Sottara (responsabl viola camp y palestra), Monica Ploner (responsabla cursc), Stefan Sottara (responsabel plata internet), Paolo Vallazza (Responsabl magazinns y pulmino) y Marco Castlunger (cassier y scrivan). Le portaûsc y caposeziun dla lüsa sarà Diego Tschaffert y le mëmber di Madclimbers che fej pêrt dl comité nü é Bruno Vallazza. Al comité vedl, dantadüt ai aministradus ch’á laurè para por tröć agn alalungia, ti val n bel giulan por le laûr y la dediziun y al comité nü les miûs aodanzes por süa ativité.
Por udëi le vedl comité drüca: vedl consëi
