Seziun Lüsa - Sajun 2014/15
La sajun 2014/2015 dla lüsa é daverta. I atleć se arjigna bel indô ca la lüsa por les competiziuns de chësc invern, deplü novitês é sön le program de chësc ann.
Ince in chësc ann é indô gnü agiornè le regolamënt "Agenda dello Sciatore", na picia ajënda che raprejentëia dütes les sortes de sport dla federaziun taliana (F.I.S.I.) y che vegn agiornè vigni ann danü, laprò él sambëgn inće novitês y modifiches por la seziun dla lüsa. Por chi che à interesc da se informè plö avisa, pò druché sön chësc link Agenda dello Sciatore 2014/15
Ince in chësc ann é la scuadra dla lüsa da La Val arjignada a se mosoré adüm ai atri atleć pro les competiziuns desvalies che gnarà tignides fora por i mëisc de jenà, forà y merz. La pröma competiziun che dauriarà la sajun dla lüsa é fisada ai 04 de jenà a Ulten, al se trata dla pröma gara por le Südtirol Cup. Novitês da in chësc ann é la gara por le titul europeich a Jesenice (SLO) y la gara por le titul talian a Latzfons. Chilò dessot in cört les atres gares te chësta sajun:
La plata internet sura le "Südtirolcup" é gnüda ampliada y agiornada cun vigni sort de novitês por ci che reverda la sajun nöia y tëgn n bel archiv de imajes di agn passà. Resultać, tlassifiches y atres informaziuns plö detaliades pudaran jì a consultè sot la nöia plata http://www.sportrodel.it/
L' Uniun dl Sport da La Val ti aoda düt le bun a nüsc atleć por la nöia sajun 2014/2015 che ëra portes a ćiasa de beles devëntes sciöche chëra dal ann passè.
