Lüsa - "Nationale Qualifikation" ai 27.12.15 a Lungiarü
Ai 27 de dezëmber organisëia la seziun lüsa da La Val sön la pista “Do Juvel” na gara por les cualificaziuns ala nazionala de lüsa bassa y lüsa alta.
La sajun dla lüsa 2015/16 é daverta. I atleć se arjigna bel indô ca la lüsa por les competiziuns de chësc invern, deplü novitês é sön le program de chësc ann.
Ince in chësc ann é la scuadra dla lüsa da La Val arjignada a se mosoré adüm ai atri atleć pro les competiziuns desvalies che gnarà tignides fora por i mëisc de dezëmber, jenà, forà y merz. La pröma competiziun che dauriarà la sajun dla lüsa é fisada ai 20 de dezëmber, al se trata prinzipalmënter de na gara de cualificaziun ala nazionala por lüsa bassa. I atlec de lüsa alta tulará l’ocajiun por fa n bun alenamënt y se mosoré competitivamënter un cun l’ater. L’indema gara gnarà spo ince tignida ai 27 de dezëmber sön la pista “Do Juvel“ a Lungiarü. Chësta gara vëgn organisada da pert dla seziun lüsa da La Val, deplö informaziuns pon ciafe sön le program chilò dessot:
Na gran novité de chësta nöia sajun é la gara dl campionat mondial che gnará tignida de furá a Oberperfuss tl’Austria. N bel numer de gares gnará tignide laprò fora por düt l’invern, na odlada a düt le program pon ti dé chilò dessot:
La plata internet sura le "Südtirolcup" é gnüda agiornada cun vigni sort de novitês por ci che reverda la sajun nöia y tëgn n bel archiv de imajes di agn passà. Resultać, tlassifiches y atres informaziuns plö detaliades pudaran jì a consultè sot la nöia plata http://www.sportrodel.it/
Cun n program de gares plö intensif co i atri agn ti fej le U.S. La Val a düc i atlec les mius aodanzes por na buna sajun, plëna de devertimënt y sodesfaziun!
