2ª Südtirolcup y 2ª Raika Jugendcup
Sön la pista “Do Juvel” a Longiarü fej i atleć ladins indô gran parüda. I bugn resultać pro la secunda de Copa de Südtirol ne é nia mancià.
La secunda dles trëi gares de Südtirolcup che do program ess messü gní tignida l’ultim fin dl’edema a Valdaora, é gnüda spostada a Longiarü sön la pista “Do Juvel”. L’organisaziun dla competiziun ti é insciö gnüda surandada ala seziun lüsa da La Val.
I bugn resultac ne á indô nia mancé, bëgn 4 podiums se porta i atlec ladins a ciasa. Por prüms é da alzé fora cater medaies d’arjënt: Manuela Rubatscher tla categoria dles ëres aspirantes cun al 3° y 4° post les atletes Nagler Luisa y Ladstätter Greta dla scuadra da Lungiarü, Shamira Brunner tla categoria dles ëres senioren, Carlo Miribung pro i Master B y Kurt Knollseisen tla categoria master A.
Atri resultac di atlec dla lüsa da La Val tles rispetives categories: I fredesc Serafini Daniele y Lorenzo á fat le 7° y 8° post, Ploner Alex á arjunt le buniscimo 5° post, 11° Deiaco Nicolas, 6° post por Tavella Robert y Rubatscher Florian y Forer Armin é ruvé al 11° post. Sciöch ultim se posizionëia La Val al secundo post dla tlassifica generala a scuadres. Döes medaies de brom é ince i atlec da Lungiarü che fej, Gatta Damian tla categoria aspiranc y Clara Dominikus pro i master B1. Le miú tëmp dl dé i va al campiun in ciaria Kaser Roman dla scuadra da Lijun.
La terza y ultima gara de Copa de Südtirol gnarà tignida ai 28 de furà a Plan de Gralba. Tratan se arjigna i atlec por i campionac provinziai de lüsa alta che gnarà tignis ch°sc fin dl’edema a Latzfons.
Raika Jugendrennen:
I plazamënć dla gara Raika Jugencup a Laas ciafen chilò: risultati
I plazamënć dla pröma gara de Südtirolcup a Lungiarü ciafen chilò: risultati SüdtirolcupPor deplö informaziuns, por ci che reverda resultać, novitês y le program dla lüsa pon vijité la plata internet sot a chësc linch: http://www.sportrodel.it/
 |
 |
 |
 |
|
 |
 |
 |
|
 |
 |
 |
 |
Por atres foto: Dropbox
