Michael Ties pro i gragn d’Europa

Na esperiënza beliscima á podü vire Michael Ties, sugadú dl U10 dl‘US La Val, che á podü acompagné ai 25 de forá te ciamp i arbitri dla partida de Europa League danter FC Porto y BVB Borussia Dortmund.

Ala fin dl 2015 âl tut pert a n concurs online, scrit fora da n sponsor ofizial dla UEFA. Chësc concurs ti daurî a 10 mituns dla Talia la poscibilité da ester n iade danter i gragn dl palé.

Cinch ess podü acompagné te ciamp i arbitri dl'Europa League y cinch chi dla Champions League. Danter i pröms cinch êl bel avisa ince Michael Ties, che é gnü trat fora danter chi 10.000 partezipanc. Insciö al podü joré tl Portugal cun so pere Christian. Jore, hotel, stadium y spëisa é jü düt a ciaria di organisadus.

Chësta é stada n’esperziënza che al se dejmentiará mai.

Lo sogadú dl U10 Michael Ties, le secundo da man dërta