Partida de dezijiun por La Val
Cun le secundo post de tlassifica dl rode C cun 34 punc pó la scuadra da La Val speré inant por fa le salt de 2ª categoria.
In mercui, ai 07 de jügn dales 20:00 a Burnech se süga i ladins le post lëde te 2ª cat. te na partida dezisiva cuntra i vijins da Lijun, ruvà al 2 post tl rode B!
En sterch aversar, che pó mostré sö le miú atach di trëi rodi cun bëgn 84 goi, deperpo che La Val respogn cun la secunda miú defenjiun ti medemi rodi (16 goi ciafà).
Les mius statistiches por garantì na partida interessanta y combatüda cina le sciür dla fin.
I ladins é determinà a davagné sön le ciamp a Burnech y spera sambëgn do en gran sostëgn y na ciaria in plö da pert de sü sostenidus.
Se aspetun porchël in tröc in mercui dales 20:00 a Burnech sön le ciamp sintetich dles scores!!
