Torné final U-8 a La Val - 28 de otober 2017

Cun i 28 de otober s'à stlüt jö la sajun d'altonn por la scuadra dl U8 y dl U9 da La Val. Le torné final é gnü tigní sön le ciamp "Plans" a La Val.

Cun i 23 de setëmber al metü man la sajun d'altonn por les scuadres di mituns dl'U-8 y dl'U-9 da La Val. Le campionat di mituns dl' U-8 é struturé atramënter co le campionat U-9, vigni fin dl’edema vëgnel organisé sön en ater ciamp n torné anter deplö scuadres che se mosöra üna cun l’atra te trëi o cater partides. Bëgn sis tornei é gnüs organisà tartan i mëisc de setëmber y otober.

Le U-9 deperpo se mosöra vigni fin dl'edma cun na scuadra sora tres sön le ciamp plö meinder, indere cun temps de jüch plö lunc.

Por stlü jö le campionat, él gnü tigní l'ultim torné a La Val, daulache deplö scuadres dl' U-8 (La Val, Alta Badia, Reischach, Burnech brüm, Burnech arance) s'à mosoré te cinch partides da dui tëmpc da 15 menüc. Ince cun temperatüres plö da d'invern él ruvé adalerch en bel publich por dé sostëgn ai mituns y a daidé fa garaté le danmisdé.

Le U-9 à ince sughé süa ultima partida por chësc altonn, l'aversar é sté le Obopuschtra Puma che à albü la miú por 2 a 1. I ladins se posizionëia insciö al buniscimo terzo post de tlassifica.

En gran giulan ti va ai alenadùs Monica Moling (U-9) y Alex Elzenbaumer (U-8) dles döes scuadres di pici, che à alené cun lezitënza i mituns fora por düt l'altonn.
En giulan ti va ince ai geniturs y a düc i acompagnadus che porta i mituns ales partides o da só contribut ala scuadra. Giulan y ma inant insciö!

A chesc linch ciafen i resultac y la tlassifica dl' U-9: tlassifica

Chilò dessot val foto dl torné: