Finala gares joniles Raiffeisen sön Munt de Sëuc

Les gares joniles Raika é na competiziun partida sö te cater gares olache al tôl pert mituns dai 6 ai 14 agn che vëgn partís sö de deplö categories. Al vëgn garejé sides cun lüsa alta y sides cun lüsa basa. Les cater gares te chësta sajun é gnüdes tignides a Valdaora, Lijun, Jaufental y munt de Sëuc.

La gara dl’ultim fin dl’edema, odüda ince sciöche ultima poscibilité por cöie adüm punc, á stlüt jö la competiziun. I atlec plö jogn da La Val, che á bel partezipé a les atres 3 gares, á arjunt chisc resultac tles singoles categories: 1. Peccei Lara, 5. Campei Miriam, 8. Frenes Elisa. 7. Miribung Elena, 3. Brunner Philipp, 4. Frenes Oliver, 1. Moling Matthias, 6. Frenademez Raffael, 8. Alton Elias, 10. Chiusura Matthias y 10. Ties Michael. Sciöche ultima sodesfaziun, le prüm post tla tlassifica a scuadres

De gran complimënc ti va dandadüc ai dui jogn atlec Moling Matthias y Peccei Lara: giulan ai bugn plazamenc tles singoles gares é la medaia d’or garatada tla tlassifica generala por soma de punc. Chisc i atri plazamënc finai tles singoles categories: 4. Frenes Elisa, 5. Campei Miriam, 7. Miribung Elena,  5. Alton Elias, 13. Ties Michael, 4. Frenes Oliver, 5. Brunner Philipp, 8. Chiusura Matthias, 9. Frenademez Raffael. Tla tlassifica á scuadres se posizionëia La Val al bun cuinto post final.

Se congratulé uress l’Uniun dl Sport no ma por i bugn resultać arjunć, mo ince por l’impëgn y la gran devoziun desmostrada da pert de düc tl’organisaziun de chesc evënt  fora por düta la sajun. N gran giulan ince ai alenadus y ai geniturs che acompagnëia i mituns ales gares y l’insegnamënt di atleć cun tröpa esperiënza ai atleć plö jogn che vëgn dô ca. Le bel grup y i bi resultać arjunć des stimolé ince le dagnì de chësc bel sport.