I ciamps da tennis nüs

Cun la realisaziun di dui ciamps da tennis tla zona dl sport "Plans" intratan l'isté 1994, á ince chësc sport descedè plü interès danter la jënt dl paîsc. Fina che an messâ jí fòra dl paîsc a soghé a tennis n'êl mâ dër püc’ che se dê jö cun chësc sport, mo da chësc momënt inant él deventè n'ati­vité dessigü interessanta por düta la jënt dl paîsc.

 

 

 

Organisaziun di prüms cursc y tornei

Por ti dè l'ocajiun ala jënt da mëte man cun la pratica de chësta ativité che por tröc ê nöia, á l'Uniun dl Sport La Val bele in­tra­tan l'isté 1995 organisé cursc de tennis por mituns y por gragn. I cursc é gnüs tignis da Simon Dapoz y á albü na gran parte­zi­pa­ziun. En ocajiun dl'inauguraziun dla zona dl sport "Plans" él ince gnü organisé n pice tornê de tennis danter la jënt dl paîsc, dava­gné da Martin Schuen.

 

Tröpa jënt á desmostrè interès

Sce an ciara al interès mostrè sö te chisc prüms mëisc, ne n'él nia rî da preodëi che le sport dl tennis ará te nosc paîsc ti agn che vëgn ciamò n gran svilup y aumënt di praticanc’. Nia mâ ëi mo ince tröpes ëres y mitans á tut pert ai cursc y á metü man cun la pratica de chësc sport.