Ai 23.05.2010 á la scuadra da La Val sughé la 7. y penultima partida cuntra le Gsies. Do da les trei ultimes pordüdes é stada buna la scuadra da La Val da concuisté i trëi punc. La partida ne mët nia man bun por La Val, Gsies se porta atira do da 10 min in vantaje. Do da 5 min é bun La Val da arjunje le pareggio cun en bel goal de Verginer Franzi.

Ala fin dl prüm tëmp é indo bugn Gsies da jí in vantaje, mo le goal ne foss nia sté regolare, deache al se a tut le pal inant cun la man. Denant che le prüm tëmp se röia, é Frenes Daniel bun ciamo da mët le pal te porta, stlujon jö insciö le prüm tëmp sön le 1 : 1. Le gol dla vitoria ti gareta a Frenes Michael che é bun da tra ne bela puniziun, che vëgn deviada, y röia te porta. Chësc gol ti porta la vitoria a La Val.