9° partida campionat 2010/11

Stampa
IMG_3976In dumënia ai 31 de Otober él gnü sughé la nona partida dl campionat 2010/2011 de  3° categoria por La Val. La partida é gnüda sugada fora de ćiasa cuntra le San Laurënz (che é terza tla tlassifica dl campionat). La partida è jüda fora  6 a 1 por le San Laurënz, na partida completamënter da descmentié por i sogadusc da La Val, spezialmënter le secundo tëmp.
Gauja dl risultat é zigü ince in pert i sogadusc titolars che mancia, suradüt dla difesa. Cun chisc trëi punć lasciá sön trú, se porta la scuadra da La Val zruch al 8° post te tlassifica, cun na partida demanco, che gnará recuperada ai 10 de Novëmber cuntra le Raas.
La partida á metü man bun por trames döes les scaudres, che á mustré en bel calcio cun de beles aziuns da vigni pert. Na bela aziun dala pert derta cun en bel cross de Franzi Verginer á porté Alex Elzenbaumer al conclujiun, sura la traversa fora. Püch dedô é San Laurënz che scfrutëia en angolo, le atacant da San Laurënz é bun da antizipé i defensurs da La Val y spizuré le pal te porta. Püch dedô é la difesa da La Val y le portier che ne se capësc nia y en lancio röia sön i pisc di aversars, che pó insciö fa le 2 a 0, sënza problems. Le prüm tëmp se stlüsc jö sön le 2 a 0 por San Laurënz. Tl secundo tëmp pro La Val da recuperé le scvantaje y se scbilaciëia de massa, insciö röia San Laurënz cun en contropiede sön le 3 a 0. La Val é bugn püch dedô da acorcé sön le 3 a 1 cun Rubatscher Florian, ince sce al á serví a püch. Dedô mët man la goleada da San Laurënz, che se röia sön le 6 a 1 ala fin dla partida.



La formaziun titolara dla partida:


Formazione_San_Laurenz


In cürt ciamó les sostituziuns dla partida:


al 46 Rubatscher Florian por Schuen Filippo

al 55° Frenes Michael por Verginer Franzi

al 70° Sottara Werner por Sottara Freddy


 

 

Por ciaré ales foto dla partida clicca. Foto


Por ciaré ala tlassifica y i resultać dles artres partides clicca. Resultać y tlassifica