In sabda ai 07 de Aurí él gnü sughé la terza partida dl ritorno dl campionat 2011/2012 de  3° categoria por La Val. La partida é gnüda sugada te ćiasa cuntra la scuadra da Gsies (che á batü i prüms da Aicha l'ultima partida).

La Val vá indô fora cun le gofes ötes purdon, sciöche tles ultimes döes partides, cun na pordüda de 1 a 3. Mo chësc iad un udü en migliramënt por ciche reverda le jüch, suradüt da mëter man dla partida, cina a mesa le prüm tëmp. Ti prüms menüć á sughé La Val dër bun, cun la pala basa y cun de beles combinaziuns. Le Gsies ne é gnanca stá da udëi tla prüma mesora.

Bel dô da püć menüć ti garetel en gol a La Val, ince cun en pü de furtüna. Al röia ite en cross dala fascia, la pala vëgn deviada da en defensur sö a ciampaní. Dopo röiera bel avisa jö dan porta, ulache Romeo é plü ascvelto y cun en bel colp de test mëtl la pala te porta. Insicö se porta La Val in vantaje. Ince dedô vëigun de beles combinaziuns, mo al mancia l'ultimo spunt por ruvé te porta.

Sön le prüm fal dla difesa ti garetel le pareggio al Gsies. Al röia ite en bel cross a mesa l'area, Sepl (le portier) vëgn fora por se apié la pala, mo en atacant aversa é bun dal antizipé y cun en colp de testa mëtl la pala te porta. Chësc gol fora de nia, dô che le Gsies ne é mai stá prigoriusc mët en pü sot y sura indô la partida. Püch dan le prüm tëmp ti garetel indô en gol al Gsies, dui tiri te porta, dui goi. En gran tiro en diagonale: Sepl röia sön la pala, mo al é ma bun dala devié, l'aversa é plü svelto y röia denant sön la pala y po insciö apogé te porta. Denat che le prüm tëmp se röia fosl ćiamò stè en rigore netto, en bel tiro de Alex Alton che fos jü ite é en defensur che para cun la man, mo le arbiter ne fischia nia le rigore. Le prüm tëmp se stlüsc jö sön le 1 a 1.

Tl secundo tëmp é Gsies che se defën deplü y se stlüsc ite. La Val pro ćiamò da recuperé mo ara ne va nia, entres röia i defensurs denant sön le pal y tira demez. Püch dan la conclujiun dla partida vëgnl ćiamò sciuré fora en aversar, deache al ti a dit val por tudësc cuntra l'arbiter. Le arbiter ne á nia plü la partida sot a control. Ala fin dla partida ti scinchel ćiamò en rigore al Gsies che ne foss nia stè, sön na mano.

La partida se stlüsc jö insciö sön le 1 a 3 por Gsies.

Cun chisc trëi punć lascia sön trú toma La Val zoruch al 10. post.

La formaziun titolara: Kantioler Sepl, Castlunger Marco, Alton Alex, Tavella Jordan, Sottara Werner, Frenes Daniel, Sottara Stefan, Sottara Freddy, Tschaffert Ivan, Rubatscher Romeo, Frenes Micky y Rubatscher Florian.

Sostituziuns:

Elzenbaumer Alex por Rubatscher Florian

Vallazza Paolo por Sottara Werner

Nagler Max por Sottara Freddy