7ª partida de campionat - Rasen

Stampa

foto_scuadra

En bun punt cuntra n’aversar sterch y determiné a davagné.






La Val incunta le Rasen, aversar sterch te ciamp che iustifichëia ince la posiziun alta dla tlassifica. Le jüch asvelt di pustri mët a düra proa la defenjiun ladina, che dà indere le miú y ne conzed nia tröp. Le Rasen pëia ia cun druch é sblochëia bel al 4^ le resultat. Sön na crossada de puniziun vëgn le palé rebatü de ce mo röia tla picia area de jüch, daulache l’atacant Messner lascé sú, á ma plö bria dl’apogé cun le ce sura Sepl ite. Le druch aversar ne lascia nia do y al 14^ é la trata dal ciantun che röia avisa sön l’atacant su dan porta, le curan indere röia dlungia ia. I ladins mët man da imposté le jüch y insciö ti gareta ince les prümes aziuns, püch efiziëntes indere, cun i atacanc che vëgn scialdi archità sö. Le pröm tëmp se rüva sënza alzé fora gran ocajiuns da trames perts.


Le prüm tëmp se stlüj jö sön le resultat de 1 a 0 por le Rasen.


Do i carantecinch menüc à i ladins na sterscia reaziun y sbürla i aversars zeruch a defënn, al 50’ röia Samuel W. ala trata che vëgn tignida sö dal’un dl Rasen. I padruns de ciasa anuzëia le bun mumënt por porté le resultat a livel, al 68^ se presentëia Alex E. ala puniziun dai vint metri y fej pié ia na trata a mesa altëza che ti sciampa fora dles mans al un dl Rasen y fej balé la rëi por le 1 a 1.

La parité fej descedé indo la formaziun aversara che ciafa coraje y fej pié it cuntra porta cotan de palés alc por i stersc atacanc che á indere dificolté a indirizé le curan cuntra porta. Protagonist ti ultims menüc è ince le mandl fosch che ti da n gran aiüt ai ghesc, sciuran de vigni sort de fai inozënc cuntra i ladins. Le Rasen ne pordüj impone nia de se porté in vantaje y mëss insciö se acontenté cun en punt sú. Por La Val na bela proa cuntra n’aversar sterch, le laur de düta la scuadra à dessigü fat mirité chësc punt.


La Val – Rasen : 1-1


Formaziun La Val: 1. Sepl Kantioler, 2. Luca Pescollderung (dal 55^ Alexander Miribung), 3. Egon Frenes, 4. Paolo Vallazza, 5. Marco Castlunger, 6. Max Nagler (dal 50^ Michele Campei), 7. Christian Dapoz, 8. Franz Tolpeit (dal 65^ Adrian Miribung), 9. Samuel Winkler (dal 80^ Felix Nagler), 10. Stefan Sottara - capitan, 11. Alex Elzenbaumer


Proscima partida: In dumënia ai 22 de otober dales 15:30 a San Martin cuntra l’ACD Val Badia.


Atri resultac: