Nia la miú partida chëra cuntra i aversars dl Dietenheim, che mët al sigü le resultat bel tl prüm tëmp.

La terza partida de campionat é gnüda sugada sön le ciamp dl Stegen, tratan che pro la plaza dal sport a Dietenheim él in ultimaziun i laurs de rinovamët dl ciamp da jüch.

La formaziun aversara se presentëia sterscia te partida. Insciö toml bel al 4^ le vantaje. Sön trata dal ciantun röia l‘atacant denant sön le palé por le passé de ce t‘amez al capitan che rebat de ce te porta. Püch do mëss Luca P. lascé le ciamp por na destrata ala cössa, deperpo che le verdaporta Giovanni E. bat le ce ten contrast y mëss gni sostituí dal portier d’Al Plan Alex Pedevilla, che fej insciö só debut cun la malia dl La Val. Por fortüna ne é i infortuns di dui sogadús nia gravi y do partida esi indo pro i cumpagns de scuadra. Le Dieteheim fej inant druch, i sogadús á na buna tecnica cun le palé y davagna en grüm de trates standard; sciöche ince al 40^ canche l‘aversar Maier tira sön puniziun le curan sëch sot la stangia de porta ladina ite. En 2-0 dan la fin dl prüm tëmp che brüj dassënn.

La secunda pert é plö ecuilibrada, daulache l‘aversar drüca inant ti prüms vint menüc mo ne concretisëia nia i palés. Le La Val deura le jüch al 70^ cun l‘aziun piada ia dal mezciamp por Alex P. che röia sú dan le portier mo tira dlungia ia. Le verdaporta ladin fej gran parüda y defënn bun la porta desfantan cotan de trates. A bóc drüca la formaziun da La Val bun cuntra la defenjiun aversara. Indere chësc ne basta nia por rosedé la partida. Le Dietenheim fej insciö sü i trëi punc.

Dietenheim – La Val   2-0

Formaziun La Val: 1. Giovanni Erlacher (dal 30^ Alex Pedevilla), 2. Luca Pescollderung (dal 6^ Simon Campei), 3.Thomas Plober (dal 75^ Natan Colletta), 4. Paolo Vallazza, 5. Max Nagler, 6. Philip Moling, 7. Felix Nagler , 8. Stefan Sottara – capitan, 9. Mattia Mutschlechner (dal 46^ Alex Rubatscher), 10. Alex Elzenbaumer (dal 46^ Alex Ploner), 11. Alex Miribung

Alenadus: Patrick Costabiei y Albert Castlunger

Proscima partida: In duman sabeda dales 15:30 a la La Val cuntra le San Iöre Amat.

Atri resultac de chësc fin dl'edema:

Aliefs (Val Badia): Val Badia – Burnech  0-4

Jogn B (Mareo/La Val): Ridnauntal – Mareo 6-0

U-10: Percha – La Val  3-0