6ª partida de campionat - Uttenheim

Stampa

La_Val_Rina

Le La Val stënta a concretisé les ocajiuns y mëss indo conzed la devënta ai aversars.








Le La Val é bel da cater partides a süt. La formaziun se stënta da segné le gol, ince sce ara é buna da ti tigní bot y sla soghé cuntra vigni aversar. Insciö ince cuntra le Uttenheim che röia chësc altonn a La Val a ce dla tlassifica. I padruns de ciasa comana le jüch por gran pert dla partida, mo ne concretisëia nia les ocajiuns dan porta y vëgn insciö castigá sön püces ocajiuns di aversars.

I ladins röia prepará te ciamp, bele ti prüm menüc esi posizioná bun. Ala mesora él Felix che se fej lerch da na pert jö y crossëia amez por Matti sú dan porta,  al controlëia le palé mo tira indere sura la stangia de porta fora. Gol falé gol subí, insciö era ince stada, al 35^ recuperëia i aversars en palé y röia in cuntrapé a passé le curan al’atacant che cun na bela trata de prezijiun tira te rëi ladina.

Le jüch vëgn scialdi fat a mezciamp, gunot pëia ia bun les aziuns mo se destüda spo cun en passaje o en control falé.

La secunda pert mët man atira cun na desgorta dal ciamp dl’atacant dl Uttenheim por en fal de reaziun. Chësc va indo a vantaje dl La Val che fej dassënn druch cuntra la porta aversara. Al 60^ indere davagna l’aversar na puniziun dal limit y tira sëch sot la stangia de porta ite, Manuel pro ciamó dal’abiné mo ne röia nia a desfanté le curan. Na duscia frëida, che ne miorëia nia le bun momënt dla formaziun de ciasa. I sogadús pro da nü da ataché mo sciöche bel dit, se architá scialdi vigni aziun al limit dl’ area aversara. Insciö resta ince i trëi punc te gaiofa dl’Uttenheim.

I ladins á debojëgn de rové indo al gol y de ester plö determiná dan porta, al é sciode soghé bun mo conzed les devëntes ai aversars.


La Val - Uttenheim  0-2


Formaziun La Val: 1. Manuel Costabiei, 2. Nathan Colletta, 3. Max Nagler, 4. Simon Campei, 5. Paolo Vallazza, 6. Felix Nagler, 7. Philip Moling, 8. Stefan Sottara - capitan, 9. Alex Elzenbaumer, 10. Mattia Mutschlechner, 11. Alex Rubatscher

Alenadus: Patrick Costabiei, Albert Castlunger

Proscima partida: La Val süga duman sabeda a Sterzing cuntra la scuadra de ciasa


Atri resultac:

Altherren (La Val) = La Val - Albeins  3-1

Allievi (Val Badia) = Val Badia - Ahrntal  4-6

Giovanissimi (Mareo/La Val) = Mareo - Burnech  0-3

U-12 (La Val) = La Val - Gsies  2-4

U-10 (La Val) = La Val - Reischach  0-0