In dumenia ai 26 de Setëmber él gnü sughé la cuarta partida dl campionat 2010/2011 de 3° categoria por La Val. La partida é gnüda sugada te ćiasa cuntra le Gossensass (scuadra che é indô gnüda metüda sö in chësc ann, nöia) La partida è jüda fora 2 a 1 por La Val. Sciöche i agn passá á mustré, se fesc la scuadra da La Val tres plü ert cuntra le stletes scuadres.
In alleghé él le calënder dles partides dla 3.categoria, Juniores (adüm cun Al Plan), Allievi (Val Badia), U-15 (Val Badia), Esordienti y U-10 in format pdf. Por descarié le pdf clicca sön le pdf injunté.
In dumenia ai 19 de Setëmber él gnü sughé la terza partida dl campionat 2010/2011 de 3° categoria por La Val. La partida é gnüda sugada fora de ćiasa cuntra le Percha (scuadra che ai á belo abiné te copa provinzia y ulache La Val á davagné 1 a 0 te ćiasa). La partida è jüda fora 0 a 0. Ala fin dla partida mëssun indô dí che La Val éss mirité da davagné, mo sciöche la situaziun é al mumënt, se stënta i atacanć da La Val da fá goi.
In dumënia ai 12 de Setëmber él gnü sughé le prüm derby dl campionat 2010/2011 por La Val, le derby da Rit. La partida é jüda fora 2 a 0 por La Val, che röia insciö plü inant te tlassifca generala, al 8. post. La partida é stada dominada da La Val, le Mareo ne é mai stá prigorusc, ma al 90° sön en calcio d' angolo é ruvé le pal de püch sura la traversa fora. La partida mët man cun en bel jüch da pert d La Val, cun passaggi basc.
In sabda ai 04 de Setëmber él gnü sughé la prüma partida dl campionat 2010/2011 de 3° categoria por La Val. La partida é gnüda sugada fora de ćiasa cuntra le Wiesen (che é tumá jö l'ann passé dala 2° categoria. La partida è jüda fora 3 a 1 por le Wiesen. Da mët man la partida è La Val che süga damí co le Wiesen. Elzenbaumer Alex röia cuntra le portier, mo ala fin atochel ma la traversa. Bele do 15 min mëss la scuadra da La Val fa la prüma sostituziun, al vëgn ite Tavella Thomas tl post de Sottara Freddy, che ne é nia plü bun da sughé inant, sön na burta entrada de en aversar.