In dumënia ai 12 de Setëmber él gnü sughé le prüm derby dl campionat 2010/2011 por La Val, le derby da Rit. La partida é jüda fora 2 a 0 por La Val, che röia insciö plü inant te tlassifca generala, al 8. post. La partida é stada dominada da La Val, le Mareo ne é mai stá prigorusc, ma al 90° sön en calcio d' angolo é ruvé le pal de püch sura la traversa fora. La partida mët man cun en bel jüch da pert d La Val, cun passaggi basc.
In sabda ai 04 de Setëmber él gnü sughé la prüma partida dl campionat 2010/2011 de 3° categoria por La Val. La partida é gnüda sugada fora de ćiasa cuntra le Wiesen (che é tumá jö l'ann passé dala 2° categoria. La partida è jüda fora 3 a 1 por le Wiesen. Da mët man la partida è La Val che süga damí co le Wiesen. Elzenbaumer Alex röia cuntra le portier, mo ala fin atochel ma la traversa. Bele do 15 min mëss la scuadra da La Val fa la prüma sostituziun, al vëgn ite Tavella Thomas tl post de Sottara Freddy, che ne é nia plü bun da sughé inant, sön na burta entrada de en aversar.
In chësc ann él indo gnü puzené le campo da calcio. L' omologaziun dl ciamp mëss gni fata in base ala lege, vigni 3 agn. Chësc ann scadra indô. Por che le campo ne vëgni nia massa dür y insciö rischié da ne passé nia l'omologaziun él les dites dl setur di ciamps sintetics che aconsiëia da le puzené.
Dai 23 ćina ai 28 de agost él gnü organisé dala Uniun Sport Amatoriala La Val la terza ediziun dl “Viola Football Camp”. Chësc iade àl tut pert 51 mituns. A d’alenè y insigné les tecniches dl palê él stè cater alenadus che à na gran esperiënza te chësc setur. Plü avisa se tràtel de Rizzo Francesco (ex śogadù de “serie A” y nazionala taliana) che se à dè jö cun les tecniches da stopè y le saltè cun le pal. Mancini Oliviero che à insigné le “dribbling” y le colp te porta.