Tla nöt danter i 31.07.2010 y i 01.08.2010 vëgnel soghé söla plaza dl sport Plans a La Val la dodicesima ediziun dl torneo dl palè de nöt, organisé dala Uniun dl Sport Amatoriala La Val. Le numer de scuadres che pó tó pert è limité a 20. Les scuadres gnará partides sö te cater rodi da cinch, olache vignüna mëss soghé contra les atres cater. Mâ les prümes does scuadres de vigne rode pudará soghé inant söi prüms posć, les terzes y cuartes classificades pudará soghé inant sön le “pozer”, na sort de rode de consolaziun. L’ ultima de vigni roda toma fora definitivamënter.
Ai 02.06.2010 él gnü organisé dal U.S. Alta Badia en torneo VSS U-8 cun la partecipaziun de 18 scuadres de Puster, cun dös squadres dla Val Badia: Alta Badia y San Martin. Les dös squadres dla Val Badia è gnüdes metüdes ite tl medemo girone de cualificaziun cun 5 scuadres. Les prümes dös jê spo inant por i cuarti de finala. San Martin se á classifiché 3. cun 7 punć, un en punt demanco co la secunda (Hochpustertal). Alta Badia se á classifiché 5. Por düt le domisdé él jü inant les partides de cualificaziun, cuarti- y semifinala. Dales 18.00 inant él spo gnü sughé les partides de finala Stegen y Gais, davagnada da Stegen. Al 3. post è ruvé Sexten, che á batü le Olang tla finala por le 3 / 4 post.
Ai 23.05.2010 á la scuadra da La Val sughé la 7. y penultima partida cuntra le Gsies. Do da les trei ultimes pordüdes é stada buna la scuadra da La Val da concuisté i trëi punc. La partida ne mët nia man bun por La Val, Gsies se porta atira do da 10 min in vantaje. Do da 5 min é bun La Val da arjunje le pareggio cun en bel goal de Verginer Franzi.
L’U.S. La Val organisëia dai 6 de messè ćina ai 5 de agost (endöt 10 iadi) n program sportîf general por mituns dla scolina y dla scora elementara, cun frecuënza de dui iadi al’edema danmisdé (mertesc y jöbia), tigní da Lorenz Clara. Al gnará fat ativitês sportives desvalíes (jí cun la roda, arpizé, jüć te palestra, yii).