Cun en pü de ritardo, pur via dl nü layout, el segn a disposiziun le nü calender dles partides dl aiscüda 2010. Sön chësc calender ciafun dütes les partides dla 3.categoria, Juniores, U-15 y U-10. I U-13 ne é nia la sura, deache al é ma un en sogadú da La Val che va a daidé fora datrai San Martin.
L’Uniun Sport La Val organisëia por le terzo iade, en colaboraziun cun les atres uniuns sportives de nosta valada, n „camp“ de n’edema por düć i mituns che soga al palè, tigní dal’Associaziun “Viagginsport” da Firenze che é spezialisada ti alenamënć di mituns. Al é le cuarto iade che le „Viola Football Camp“ vëgn organisé te nosta valada. Chësta é na gran ocajiun por nüsc mituns y inće por nüsc alenadus da odëi y da imparè diretamënter da alenadus profescionnisć, che laora esclusivamënter tl setur jonil. No se lascede sciampè chësta oportunité da imparè por n'edema alalungia chisc metodi nüs d'alenamënt! La poscibilité da tó pert ti vëgn dada ai mituns y mitans nasciüs ti agn 96 – 97 – 98 – 99 – 2000 - 2001. Le „camp“ metarà man le lünesc ai 23.08. y jará fina la sabeda ai 28.08.2010 y gnarà tignì a La Val – ciamp dl sport Plans. L’orar jarà vigni dé dales 10.00 ales 12.00 y dales 14.00 ales 16.00 (la sabeda ma fina misdé). Por curí les spëises d’organisaziun él gnü chirí deplü sponsors. Le cost che resta da paié por i partezipanć é porchël valgamia bas, plü avisa 120,00 € porom.
Ai 02.05.2010 él gnü sughé la quarta partida (secundo derby) por La Val cuntra San Martin, fora de ćiasa. Do da la vitoria cuntra i prüms dl Raas ne é nia plü stada buna la scuadra da La Val da purté inant la bela serie de vitories, purdon 0 : 1. Cun chisc trei punć lasciá sön trú resta La Val al 5. post y ne é nia bugn da sfruté le pareggio dl Alta Badia cun le Gsies. A San Martin él sté en grüm de tifosi, ince da Al Plan deache vei ne suga nia chesta dumenia. La partida met man cun en bel palo de Frenes Michael sön puniziun trata fora da Miribung Alexander. Ti prüms menüć á La Val de plü poscibilites da jí in vantaje, mo ai ne é nia bugn da met le pal te porta. Frenes Michael fesc en gran "Druck" sön la fascia derta ruvan a deplü conclujiuns, mo le portir da San Martin Moling Michael é tres bun da paré. Deplü crosc vegn dala pert derta por i dui attacanć, mo le pal ne röia nia te porta. A mesa le prüm temp él spo San Martin che met man da aumenté le ritm y röia ince vei a deplü poscibilites da se porté in vantaje.
Ai 25.04.2010 él gnü sughé la terza partida pur La Val cuntra Raas, i prüms te tlassifica, in ćiasa. Do da la vitoria cuntra le Mühlwald é stada buna la scuadra da La Val da purté a ćiasa ince in chesc iade trei punc, davagnan 4 : 1. Cun chisc trei punć se porta La Val al 5. post, cun na partida demanco. La partida met man cun en gran ritm da trames le pertes. Da met man dla partida é Rubatscher Romeo che á na gran chance da purté La Val in vantaje, mo le tiro de testa vegn paré dal portier aversar. Al 5°min él Frenes Michael che tira na puniziun sot a metacampo y Sottara Stefan che fesc en tiro de püch sura traversa fora. Do chesta ocajiun é Vallazza Merch bun da paré de plü chancen dl aversar, cun de gran parades. An sent che le goal pó gni a mumenć da trames les pertes. Al 30° él spo Rubatscher Florian che é bun da purté la scuadra da La Val in vantaje. Le prüm temp se stüsc jö sön le 1 : 0 por La Val.
Ai 18.04.2010 él gnü sughé la secunda partida pur La Val cuntra Mühlwald fora de ćiasa. Do da la sconfitta cuntra l' Alta Badia é stada buna la scuadra da La Val da purté a ćiasa la prüma vittoria dl ritorno. Cun chisc trei punć se porta La Val al 5. post, cun na partida demanco. La partida cuntra Mühlwald è jüda fora 1: 3 pur La Val. Ara á metü man atira cun en gran ritmo, suradüt chi da La Val é sta bugn da fa pressing sön le aversar. Le prüm gol é gnü fat da Ploner Werner (che é gnü zruch dala scualifica pur soma de amoniziuns ) Frenes Michael á trat na puniziun e le portier ne é nia ste bun da sla tigní, Ploner é sté le plü svelto da ruvé sön le pal y á isnsciö pudü le met te porta.
